Për herë të parë njerëzimi ka parë shenja të një planeti të mundshëm në rrethinë të një ylli jashtë galaktikës Rruga e Qumështit ka njoftuar agjencia amerikane NASA. Të hënën kanë njoftuar se kanë vërejtur këtë planet të mundshëm në galaktikën spirale Messier 51, apo siç njihet ndryshe galaktika Vorbull.
NASA të hënën ka njoftuar se duke përdorë Observatorin Chandra X-Ra, vërejtur këtë planet të mundshëm në galaktikën spirale Messier 51 (M51), apo siç njihet ndryshe galaktika Vorbull.
NEW: Scientists may have detected evidence of a planet candidate orbiting a star outside our Milky Way galaxy for the first time. The exoplanet could be about the size of Saturn: https://t.co/yoeFcGn2RK
Have questions? Head over to @ChandraXRay for a Q&A. pic.twitter.com/TWNWKqnoMb
— NASA (@NASA) October 25, 2021
Të gjitha eksoplanetet tjera të vërejtura janë në galaktikën e Rrugës së Qumështit. Por ky kandidat i mundshëm është përafërsisht 28 milionë vite drite larg. “Mijëra herë më larg se ato në Rrugën e Qumështit” ka shpjeguar NASA.
Astrofizikani nga Universiteti i Harvard, Rosanne Di Stefano, që ka udhëhequr studimin që u botua në revistën Nature Astronomy, ka deklaruar se “ ne po provojmë të çelim një arenë tërësisht të re për zbulimin e botëve duke hulumtuar për kandidate për planetë në gjatësi valore X, strategji që e bën të mundshme të zbulojmë ato në galaktikat e tjera”.
NASA ka njoftuar po ashtu se për shkak të orbitës së madhe të planetit të pretenduar, njeriu nuk do të mund të konfirmoj informacionin e tanishëm edhe 70 vite nga tani.
Bashkë autorja e studimit Julia Berndtsson nga Universiteti i Princeton në SHBA ka thënë se “ne jemi të vetëdijshëm se po kemi ofruar një pretendim të guximshëm dhe emocionues kështu që presim që astronomë të tjerë do të shqyrtojnë me kujdes. Ne mendojmë se kemi argumente të fuqishme, dhe ky është procesi në të cilin punon shkenca”.
