Jonida Duque drejton “Central Community Health Partnership” në Worcester, SHBA. Ajo ka përfunduar studimet për shëndetesi, administrim të kujdesit shëndetësor dhe menaxhim në Universitetin e Worcester-it. Jonida është përzgjedhur nga “Worcester Business Journal” në 40-tëshen e njerëzve më të suksesshëm nën të 40-tat (40 under 40 class 2021)
Jonida Duque është një udhëheqëse e patrembur dhe i di mirë synimet e saj. Ajo kërkon që çdo individ të ketë kujdes shëndetësor cilësor. Në “Open Sky Community Services”, Duque po inovon metoda të reja për të ofruar kujdes shëndetësor cilësor për popullatat e shtypura dhe të margjinalizuara.
Ajo drejton një ekip prej 43 ekspertësh, i cili shërben më shumë se 2,000 individëve. Duque po përpiqet në mënyrë pragmatike të ristrukturojë sistemin e kujdesit shëndetësor për ta bërë atë më të arritshëm për grupet e përjashtuara historikisht. Në tre vitet e fundit, ajo ndihmoi në ndërtimin e një programi partner të komunitetit që mbështet individët, fëmijët dhe familjet me nevoja komplekse të shëndetit mjekësor dhe të sjelljes për të pasur kujdes të barabartë përmes koordinimit të kujdesit.
Ajo mbledh çdo vit një ekip për “Ecjen jashtë errësirës”, e cila rrit ndërgjegjësimin dhe fondet për parandalimin e vetëvrasjeve. Jonida flet rrjedhshëm shqip dhe pak spanjisht, kështu që ajo është në gjendje të komunikojë me klientë me prejardhje të ndryshme për të siguruar që nevojat e secilit të plotësohen. Si një emigrante e gjeneratës së parë, ajo përdor aftësitë, identitetin dhe përvojat e saj për të ndërtuar kuptimin e përvojave që formojnë grupe të ndryshme.
