Presidenti i Hungarisë, János Áder, me propozim të ministrit Péter Szijjártó, dekoroi Ambasadorin e Shqipërisë në Budapest, z. Arian Spasse, me Urdhërin e Meritës për kontributin e tij në forcimin e marrëdhënieve shqiptaro-hungareze. Duke dorëzuar Urdhërin e Meritës, Sekretari i Shtetit për Politikën e Sigurisë, z. Péter Sztáray, vuri në dukje se “gjatë mandatit të Ambasadorit Spasse marrëdhëniet dypalëshe hungaro-shqiptare morën një shtysë të re, siç dëshmohet nga disa vizita zyrtare të nivelit të lartë.”
Nga ana e tij, Ambasadori Spasse falenderoi për vlerësimin, duke vënë në dukje se forcimi i marrëdhënieve dypalëshe erdhi si rezultat i vullnetit të të dyja palëve në nivelet më të larta dhe falë bashkëpunimit të ngushtë me kolegët dhe institucionet hungareze.
