Zbulohet një kapele e re e Napoleonit, do dalë në ankand
Një kapelë e sapo zbuluar me dëshmi të ADN-së që vërteton se i përkiste Napoleon Bonapartit është shfaqur në shtëpinë e ankandit Bonhams në Hong Kong. E përshkruar nga Bonhams si “kapela e parë që mban ADN-në e perandorit”, ajo po shihet në Hong Kong para se të zhvendoset në Paris dhe më pas në Londër, ku do të dalë në ankand më 27 tetor.
Kapelja, që shihet shpesh në përshkrimet e Napoleonit në fushën e betejës, ishte blerë nga pronari i saj aktual në një shtëpi të vogël ankandesh gjermane, i cili nuk e dinte në atë kohë që i përkiste perandorit. “Ishte thjesht një takim i rastësishëm,” tha Simon Cottle, drejtor menaxhues për Bonhams Europe.
Blerësi u intrigua kur kuptoi se kishte mbishkrime dhe karakteristika të tjera që sugjeronin se mund t’i përkiste Napoleonit, tha Cottle, duke shtuar se një hetim fillestar sugjeroi se përputhej me dimensionet dhe moshën e kapeles së Napoleonit.
Kapelja u testua më pas duke përdorur metoda të ndryshme, përfshirë mikroskopinë elektronike. “Pesë qime u zbuluan kur përmbajtja e kapelës u ekzaminua nga afër,” tha Cottle. “Dhe dy nga ato qime u ekzaminuan dhe mbanin shenjën e Napoleonit.”
Historia pas kësaj kapele është shumë e ndryshme nga kapelet e tjera Napoleonike që janë ofruar në treg, sipas Cottle. Ai tha se shumica e tyre ishin dhënë nga familje fisnike të lidhura me perandorin, ose ushtarë që i kapën në fushën e betejës.
Çmimi i vlerësuar për kapelën 100,000-150,000 ishte i kujdesshëm, tha Cottle, pasi kapela u provua kohët e fundit se i përkiste perandorit. Kapele të tjera Napoleonike kanë arritur deri në 1 milion £
