Lajme
Abazoviq: Nuk po i bashkohemi Ballkanit të Hapur
Kryeministri i Malit të Zi, Dritan Abazoviq, tha se nuk ka shkuar në Ohër për t’iu bashkuar nismës Ballkani i Hapur, por për të shprehur qëndrimin e tij ndaj projektit me partnerët e BE-së dhe NATO-s.
Abazoviq e deklaroi këtë pasi kryeministri i Shqipërisë Edi Rama shkroi mbrëmë në Facebook se pjesëmarrja e Abazoviqit “fut zyrtarisht Malin e Zi në ‘Ballkanin e Hapur’”
“Nuk shkojë në Ohër për t’u bashkuar Ballkanit të Hapur, por, për të shprehur së bashku me partnerët e BE-së dhe aleatët e NATO-s qëndrimin tonë ndaj një nisme rajonale në mënyrë që të kemi më shumë mirëkuptim dhe bashkëpunim më të mirë në fund të ditës,” tha Abazoviq.