Manastiri i Deçanit, si një nga monumentet më të rëndësishme të trashëgimisë kulturore të Kosovës, udhëhiqet nga ortodoksët serbë të Dioqezës së Rashkë-Prizrenit dhe ati Sava Janjiq.
I ndodhur në fillimbjeshkën e bukur të Deçanit, manastiri ka qenë pikë debati për shumë tema. Mirëpo, ai vazhdon të jetë një atraksion i veçantë për t’u vizituar.
Fotografitë e vjetra tregojnë se rojë në këtë manastir dhe njerëzit që përkujdeseshin për të ishin shqiptarë. Andaj, pasardhësit e tyre nga fshati Isniq shkuan të vizitonin këtë manastir.
Një fotografi u shkrep dhe u postua në llogarinë e Manastirit në Twitter. Aty shkruhej se manastiri është i hapur për vizitorë dhe se “trashëgimia kulturore dhe fetare duhet të bëjnë bashkë të gjithë njerëzit e vullnetit të mirë”.
Манастир Високи Дечани су данас посетила и албанска деца из дечанског села Истинић. Наш манастир и поред одређених ограничења у време пандемије остаје отворен за све посетиоце . Културна и духовна баштина треба да повезује све људе добре воље и доприноси изградњи поверења. pic.twitter.com/99bhGJ8HlG
— Манастир Високи Дечани (@DecaniManastir) November 10, 2021
Por ky postim i bëri pak problem atit Sava Janjiq, ngaqë ndjekësit serbë të Manastirit brenda Twitter-it filluan me komente që shprehnin frikë.
“Nesër ata do të thonë se Manastiri është i tyri”, “Jam i bindur që ata kanë ardhur të vizitojnë manastirin si kulturën e ‘tyre’ dhe jo si të huajën” – ishin disa nga komentet e serbëve.
Mirëpo, ka pasur edhe të tillë që këtë gjest e shihnin si e ardhmja mes dy popujve, duke e uruar këtë vizitë.
