Lajme

Nga Presidenca e Kosovës i reagojnë Vuçiqit: Vallaqi është aset i Kosovës

Shefi i kabintetit të presidentes, Blerim Vela, iu është kundërpërgjigjur presidentit serb, Aleksandar Vuçiq, i cili e deklaroi Vallaqin si pjesë të Serbisë.

Vela, me anë të një postimi në llogarinë zyrtare të tij në ‘Twitter’, ka shpërndarë një hartë e sistemit transmetues të energjisë elektrike përbrenda Kosovës, në të cilën figuron edhe Vallaqi i Gazivodës.

“Zyrtarët e #qeverisë së Serbisë po përhapin informacione të rreme dhe po kërcënojnë se do të përdorin forcën, duke pretenduar se Vallaqi është aset i tyre. Është e qartë se nuk është. Është e Kosovës”, ka shkruar ai.

Presidenti i Serbisë, Aleksandar Vuçiq, deklaroi dje se Prishtina po zgjedh momentin nëse dhe kur do ta “pushtojë” nënstacionin e Valaçit, dhe se i lutet të mos e bëjnë këtë.

“Ata do të kërkojnë arsye për tarifimin e energjisë elektrike në veri. Ata do të përpiqen ta përdorin atë në një moment për të arritur disa qëllime të tjera politike që nuk kanë të bëjnë me energjinë. I lutem të mos e bëjnë këtë”, ka thënë Vuçiq.

Gjithashtu mund te shikoni

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Back to top button