Lajme

Kurti për BBC-në: “Nuk do të lejoj bosnjëzimin e Kosovës”

“Serbia po dëshiron bosnjëzimin e Kosovës”, ka deklaruar kryeministri i Kosovës, Albin Kurti, në një intervistë për BBC-në.

Por, Kurti është shprehur i bindur se nuk do të lejoj që kjo të ndodhë.

“Kur Asociacioni nuk u implementua, asnjë serb në Kosovë nuk protestoi. Ishte Beogradi që u zemërua”.

“Në vitin 1991, më 26 prill, 14 komuna me shumicë serbe në Bosnjë-Hercegovinë u bënë bashkë e krijuan Asociacionin. Më 9 janar 1992, e shpallën pavarësinë, më 28 shkurt 1992, e bënë Kushtetutën e tyre, më 14 dhjetor 1995 në Dejton arritën njohjen ndërkombëtare”.

“Duan ta përsëritin Bosnjën në Kosovë”, është shprehur Kurti.

“Nuk do ta lejoj këtë, pavarësisht nëse jam në opozitë apo qeveri”.

“Për këtë më votuan njerëzit, të parandaloj bosnjëzimin e Kosovës. Jam i bindur se me programin tonë, do të ndihmojmë serbët po aq sa shqiptarët”.

“Nëse pyesni serbët në Kosovë se cilat janë shqetësimet e tyre kryesore, ata thonë punësimi dhe drejtësia. Beogradi dëshiron të ketë shtet brenda një shteti. Shtetin e Serbisë brenda Kosovës së pavarur”, ka thënë Kurti.

Gjithashtu mund te shikoni

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Gjithashtu mund te shikoni
Close
Back to top button