Ngjarja e madhe muzikore “MTV Video Music Awards” do të zhvillohet sonte, një vit pasi ishte mbajtur me distancë sociale, në vitin 2020.
Sivjet ngjarja prestigjioze mbahet në Qendrën Barclays të New Yorkut, ndërkohë që do të udhëhiqet nga reperja Doja Cat, e cila ka hyrë në histori, duke u bërë udhëheqësja e parë e MTV Video Music Awards e cila edhe është e nominuar për çmimin “Videoja e Vitit”.
Këngëtarët Justin Bieber dhe Megan Thee Stallion udhëheqin sivjet me nominime. Derisa Justin është i nominuar në shtatë kategori, Megan është e nominuar në gjithsej gjashtë kategori.
Në mesin e të nominuarve janë edhe Billie Eilish, Dua Lipa, BTS, Doja Cat, Drake, Lil Nas X dhe Olivia Rodrigo.
Këngëtarja kosovare Dua Lipa është e nominuar në gjithsej pesë kategori të mëdha, dhe në garë për këto çmime do të jetë me disa prej këngëtarëve më të mëdhenj.
Ndërkaq në mesin e performancave të sivjetme do të jenë ato të Justin Bieber, Olivia Rodrigos, Camila Cabellos, Shawn Mendes, Lil Nas X, Machine e Ed Sheeran.
Në mesin e performuesve do të jetë edhe Doja Cat, e cila do të këndojë këngën “Kiss Me More”, për të cilën, ka deklaruar për fansat, se do të jetë një performancë e saj, e paparë ndonjëherë.
Çmimet e mëdha parashihet t’i prezantojnë artistët si Billie Eilish, Megan Fox, Travis Barker, Simone Biles dhe Avril Lavigne. Çmime do të prezantojnë edhe Billy Porter, Conor McGregor, Hailey Baldwin Bieber, Fat Joe, Ashanti, Rita Ora, Ja Rule dhe 50 Cent.
Sivjet “Çmimi i Nderit” do të shkojë për rok grupin e famshëm “Foo Fighters”
Ngjarja e madhe do të nisë sonte në ora 20:00 sipas orës lokale të New Yorkut.
