Ata u rikthyen në stadium pas 1 viti e gjysmë dhe treguan edhe njëherë tjetër mbështetjen për Kombëtaren shqiptare. Por “Tifozat Kuq e Zi” dinë të bëjnë më shumë se thjesht tifo në stadium.
Së fundmi, TKZ-ja ka dalë pak nga spektri i futbollit duke ndërmarrë një nismë shumë të veçantë për të sensibilizuar qytetarët. Tifozët kanë udhëtuar drejt lumit Vjosë, duke e pastruar nga mbeturinat në një aksion ndërgjegjësues për turistët apo dhe vetë banorët përreth.
Me anë të një postimi në faqen e tyre në ‘Instagram’, tifogrupi ka shpërndarë dhe një foto me banderolë, ku shkruhej “Stop mbeturinat në Vjosë”.
