Nervozohet presidenti kroat për anëtarësimin e Finlandës e Suedisë në NATO, përmend edhe Kosovën
Zoran Milanoviq, presidenti i Kroacisë, është shprehur i nervozuar pas zërave se Suedia dhe Finlanda mund të anëtarësohen në NATO shumë shpejt.
Milanoviq ka deklaruar se Ballkani thuajse e ka ndalur rrugën drejt integrimit euro-atlantik, derisa finlandezët “po hyjnë brenda natës”.
Mediat kroate raportojnë se presidenti i Kroacisë është shprehur se do ta bllokojë një gjë të tillë, në rast se nuk votohet ligji i ri për zgjedhje në Bosnje e Hercegovinë, që lejon të vendoset edhe një kroat në Presidencën Boshnjake.
“Bullgaria dhe Romania nuk mund të jenë në Schengen, Maqedonia e Veriut dhe Shqipëria nuk po mund t’i fillojnë negociatat e anëtarësimit në BE, Kosovën s’e njohin të gjitha shtetet, dhe Finlanda mund të anëtarësohet në NATO brenda natës?”, ka thënë ai.
Croatian president Zoran Milanović threatens to block Finland + Sweden joining @NATO unless Bosnia & Herzegovina's electoral law is reformed — CRO government @VladaRH confirmed its support for Finland's NATO aspirations | source: @N1infoZG pic.twitter.com/cJBa8iZRDc
— Srećko Matić (@srecko_matic) April 27, 2022
Ndërkohë, Finlanda dhe Suedia janë treguar të guximshme përballë kërcënimeve ruse, teksa po përgatiten të njoftojnë në të njëjtën kohë në maj se duan t’i bashkohen NATO-s.
BBC ka raportuar se të dyja vendet janë ushtarakisht të paangazhuara, por pushtimi i Ukrainës nga Rusia ka nxitur mbështetjen në rritje për t’iu bashkuar aleancës mbrojtëse perëndimore.
Gazeta finlandeze Iltalehti ditë më parë ka njoftuar se liderët e Finlandës dhe Suedisë planifikojnë të takohen në 16 maj dhe më pas të njoftojnë se do të aplikojnë për t’u bashkuar me NATO-n.
