LajmeShow BizSport

PSG-ja për Mesin, apartament 15 mijë euro dita!

Kalimi i Lionel Messit te PSG ndodhi aq shpejt, sa argjentinasi nuk pati kohë të gjente një shtëpi, ku të jetojë bashkë me familjen e tij.
Kështu, stafi i tij dhe klubi i PSG kanë gjetur një zgjidhje të përkohshme duke e akomoduar sulmuesin në një nga hotelet më luksoze në Paris.

Deri në momentin kur Messi të ketë zgjedhur një shtëpi ku të jetojë, ai do qëndrojë në një apartament 350 metër katrorë në Hotel Royal Monceau, shumë pranë harkut të triumfit, pranë qendrës historike të Parisit.

Messi dhe familja e tij kanë nderin të kenë një kuzhinier personal, shofer privat dhe mësohet se në apartament janë instaluar plot shtatë televizorë të fjalës së fundit të teknologjisë. Qëndrimi në këtë apartament kushton 15.5 mijë euro në ditë.

Apartamenti përbëhet nga tre dhoma gjumi, tre banjo, kuzhinë moderne, dhomë të madhe ndenje, dhomë ngrënie dhe palestër.

Dekorimi i shtëpisë është kryer nga arkitekti i njohur francez, Philippe Starck dhe përmban vepra arti nga koleksioni i Royal Monceau.

Gjithashtu mund te shikoni

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Back to top button