DiasporaLajme

Shqiptari i famshëm i krepave franceze në Londër

“My London News” e konsideron kreperinë e Ilirit në Totenham një perlë të fshehur. 42-vjeçari shqiptar e ka dyqanin e tj prej pak më shumë se një viti dhe kreperia e tij ka marrë mjaft popullaritet.

“Me origjinë nga Shqipëria, Iliri punoi në Paris si kuzhinier para se të vinte në Londër dhe të vendoste stendën e tij të krepave duke ofruar një kthesë unike në krepin tradicional francez”, shkruan media britanike.

Krepat franceze janë specialiteti i tij me shije të ëmbla dhe të kripura. Kombinimet janë të thjeshta në përbërës proshutë, djathë, kërpudha, djahtë feta dhe vezë të kompletuara me sallatë të përzier. Njerëzit pëlqejnë kombinimet që ai bën me sallatën, apo kombinimin e ngjashëm me vezën dhe tashmë është bërë një destinacion për ta në Londër.
“Ato janë krepat më të mirë që kam provuar. Iliri është i thjeshtë me njerëzit dhe është një nga arsyet pse vij këtu”, thotë një nga klientët.

I apasionuar pas ushqimit të tij dhe i ndikuar nga elementët e kebabit të stilit grek, Iliri vendosi të krijonte krepat e tij unik.

Ish-shefi i kuzhinës thotë se pjesa e preferuar e punës së tij është të flasë me klientët dhe sigurisht të argëtohen me humorin e tij.
Metoda e tij është e thjeshtë: Nëse diçka është mirë për mua dhe më pëlqen, unë do t’ua jap klientëve”.

Për momentin Iliri nuk ka në plan të zgjerojë menunë e tij, pasi ajo aktualja me përbërës të theshjtë e të freskët është menuja themelore për të cilën njerëzit “lënë kokën”.

Shfaq më shumë

Gjithashtu mund te shikoni

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Back to top button