Lajme

SHBA/ “Me shqiponjën në kitarë dua tí tregoj të gjithëve që jam shqiptar”

Instrumentisti i njohur Faton Macula, jeton dhe ushtron artin e tij prej shumë vitesh në Nju-Jork të Shteteve të Bashkuara të Amerikës. Ai ka vendosur në kitarë, simbolin shqiptar, shqiponjën dhe ndjehet mjaft krenar për këtë.

“Punimi vjen si mermer dhe është një punim shumë i bukur, e ka punuar një person që mbahet për këto punë. Gjatë bisedës më tha nëse doja ti vendosja diçka më specifike, dhe unë mendova diçka që e kam më shumë përzemër dhe mu kujtua shqiponja dhe atij i pëlqeu shumë dhe definitivisht doli diçka shumë e bukur. Unë jetoj dhe punoj prej vitesh në Amerikë, por gjithmonë e ndjej veten më shumë shqiptarë dhe kjo gjë më bën të ndihem shumë krenar dhe me shqiponjën këtu më duket sikur i tregoj të gjithëve se jam shqiptar. Shumica e shqiptarëve që jetojnë në Amerikë e duan shumë vendin e tyre.

Në një intervistë për televizionin “KTV”, Macula tregoi rreth angazhimeve muzikore dhe karrierës.

Macula thekson se ka përgatitur një bashkëpunim me artisten Mira Konçi, i cili do të trasmetohet së shpejti. “Momentalisht po merrem me incizime, për shkak se pandemia na ka limituar realizimin e koncerteve. Gjithashtu kemi përpunuar në duet, vetëm në kitarë dhe vokal me Mira Konçin, dhe ka dalë diçka fenomenale”, – shprehet muzikanti shqiptar.

Shfaq më shumë

Gjithashtu mund te shikoni

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Back to top button