U bë kohë që Serena nuk e ka vizituar atdheun e saj, kështu që përmes kësaj pikture ajo nuk do i mungojë kurrë Tiranës.
Imazhi i saj duke mbajtur një buqetë në dorë duke ua dhuruar shqiptarëve, është muralja e radhës që zbukuron fasadën e një pallati në kryeqytet.
Për më tepër, ajo shton një tjetër pikë atraksioni në kryeqytet, duke qenë një ftesë e hapur për qytetarët dhe turistët që të vizitojnë edhe lagjet e Tiranës, jo vetëm qendrën dhe atraksionet kryesore.
Vepra e piktorit Gera nga Greqia vjen pas një bisede të ndjerë që artisti ka zhvilluar me një emigrante shqiptare në tokën helene, e cila për shumë kohë nuk ka mundur të kthehet në vendlindje.
Pikërisht imazhi që artisti ka ruajtur nga ky takim tashmë qëndron në fasadën e një pallati, si për të kujtuar çdo ditë, shqiptarët që jetojnë dhe punojnë jashtë vendit.
Mural Fest organizohet nga Dekor Tirana dhe kurohet nga Helidon Haliti dhe Qirjako Josifidhi.
